Chapter 10
Divine Glories

Lyrics :
Sanskrit
Sanskrit English

Verse 21

आदित्यानामहं विष्णुः
ज्योतिषां रविरंशुमान्।
मरीचिर्मरुतामस्मि
नक्षत्राणामहं शशी॥

Verse 22

वेदानां सामवेदोऽस्मि
देवानामस्मि वासवः।
इन्द्रियाणां मनश्चास्मि
भूतानामस्मि चेतना॥

Verse 23

रुद्राणां शङ्करश्चास्मि
वित्तेशो यक्षरक्षसाम्।
वसूनां पावकश्चास्मि
मेरुःशिखरिणामहम्॥

Verse 24

पुरोधसां च मुख्यं माम्
विद्धि पार्थ बृहस्पतिम्।
सेनानीनामहं स्कन्दः
सरसामस्मि सागरः॥

Verse 25

महर्षीणां भृगुरहम्
गिरामस्म्येकमक्षरम्।
यज्ञानां जपयज्ञोऽस्मि
स्थावराणां हिमालयः॥

Verse 26

अश्वत्थःसर्ववृक्षाणाम्
देवर्षीणां च नारदः।
गन्धर्वाणां चित्ररथः
सिद्धानां कपिलो मुनिः॥

Verse 27

उच्चैःश्रवसमश्वानाम्
विद्धि माममृतोद्भवम्।
ऐरावतं गजेन्द्राणाम्
नराणां च नराधिपम्॥

Verse 28

आयुधानामहं वज्रम्
धेनूनामस्मि कामधुक्।
प्रजनश्चास्मि कर्दर्पः
सर्पाणामस्मि वासुकिः॥

Verse 29

अनन्तश्चास्मि नागानाम्
वरुणो यादसामहम्।
पितॄणामर्यमा चास्मि
यमःसंयमतामहम्॥

Verse 30

प्रह्लादश्चास्मि दैत्यानाम्
कालः कलयतामहम्।
मृगाणां च मृगेन्द्रोऽहम्
वैनतेयश्च पक्षिणाम्॥