Chapter 12
Path of Devotion

Lyrics :
English
English Sanskrit

Verse 11

athaitadapyaśakto'si
kartuṁ madyogamāśritaḥ
sarvakarmaphalatyāgam
tataḥkuru yatātmavān

Verse 12

śreyo hi jñānamabhyāsāt
jñānāddhyānaṁ viśiṣyate
dhyānātkarmaphalatyāgaḥ
tyāgācchāntiranantaram

Verse 13

adveṣṭā sarvabhūtānām
maitraḥ karuṇa eva ca
nirmamo nirahaṅkāraḥ
samaduḥkhasukhaḥ kṣamī

Note: It is recommended to completely pronounce the visargaḥ at the end of the word- sukhaḥ, in the fourth quarter of this verse.

Verse 14

santuṣṭaḥ satataṁ yogī
yatātmā dṛḍhaniścayaḥ
mayyarpitamanobuddhiḥ
yo madbhaktaḥ sa me priyaḥ

Verse 15

yasmānnodvijate lokaḥ
lokānnodvijate ca yaḥ
harṣāmarṣabhayodvegaiḥ
mukto yaḥ sa ca me priyaḥ

Verse 16

anapekṣaḥ śucirdakṣaḥ
udāsīno gatavyathaḥ
sarvārambhaparityāgī
yo madbhaktaḥ sa me priyaḥ

Verse 17

yo na hṛṣyati na dveṣṭi
na śocati na kāṅkṣati
śubhāśubhaparityāgī
bhaktimānyaḥ sa me priyaḥ

Verse 18

samaḥ śatrau ca mitre ca
tathā mānāpamānayoḥ
śītoṣṇasukhaduḥkheṣu
samaḥ saṅgavivarjitaḥ

Verse 19

tulyanindāstutirmaunī
santuṣṭo yena kenacit
aniketaḥ sthiramatiḥ
bhaktimānme priyo naraḥ

Verse 20

ye tu dharmyāmṛtamidam
yathoktaṁ paryupāsate
śraddadhānā matparamāḥ
bhaktāste'tīva me priyāḥ

Conclusion

om tat sat - iti
śrīmadbhagavadgītāsu upaniṣatsu
brahmavidyāyāṁ yogaśāstre
śrīkṛṣṇārjunasaṁvāde
bhaktiyogo nāma
dvādaśo'dhyāyaḥ