Chapter 17
The three-fold faith

Lyrics :
English
English Sanskrit

Verse 11

aphalākāṅkṣibhiryajñaḥ
vidhidṛṣṭo ya ijyate
yaṣṭavyameveti manaḥ
samādhāya sa sāttvikaḥ

Verse 12

abhisandhāya tu phalam
dambhārthamapi caiva yat
ijyate bharataśreṣṭha
taṁ yajñaṁ viddhi rājasam

Verse 13

vidhihīnamasṛṣṭānnam
mantrahīnamadakṣiṇam
śraddhāvirahitaṁ yajñam
tāmasaṁ paricakṣate

Verse 14

devadvijaguruprājña
pūjanaṁ śaucamārjavam
brahmacaryamahiṁsā ca
śārīraṁ tapa ucyate

Verse 15

anudvegakaraṁ vākyam
satyaṁ priyahitaṁ ca yat
svādhyāyābhyasanaṁ caiva
vāṅmayaṁ tapa ucyate

Verse 16

manaḥprasādaḥ saumyatvam
maunamātmavinigrahaḥ
bhāvasaṁśuddhirityetat
tapo mānasamucyate

Verse 17

śraddhayā parayā taptam
tapastattrividhaṁ naraiḥ
aphalakāṅkṣibhiryuktaiḥ
sāttvikaṁ paricakṣate

Verse 18

satkāramānapūjārtham
tapo dambhena caiva yat
kriyate tadiha proktam
rājasaṁ calamadhruvam

Verse 19

mūḍhagrāheṇātmano yat
pīḍayā kriyate tapaḥ
parasyotsādanārthaṁ vā
tattāmasamudāhṛtam

Verse 20

dātavyamiti yaddānam
dīyate'nupakāriṇe
deśe kāle ca pātre ca
taddānaṁ sāttvikaṁ smṛtam