Chapter 17
The three-fold faith

Lyrics :
English
English Sanskrit

Introduction

[ om śrīparamātmane namaḥ ]
atha saptadaśo'dhyāyaḥ.
[ śraddhātrayavibhāgayogaḥ. ]

Note: It is recommended to include the salutation and the chapter name, when an individual chapter is being chanted.

Verse 1

arjuna uvāca
ye śāstravidhimutsṛjya
yajante śraddhayānvitāḥ
teṣāṁ niṣṭhā tu kā kṛṣṇa
sattvamāho rajastamaḥ

Verse 2

śrībhagavānuvāca
trividhā bhavati śraddhā
dehināṁ sā svabhāvajā
sāttvikī rājasī caiva
tāmasī ceti tāṁ śṛṇu

Verse 3

sattvānurūpā sarvasya
śraddhā bhavati bhārata
śraddhāmayo'yaṁ puruṣaḥ
yo yacchraddhaḥ sa eva saḥ

Verse 4

yajante sāttvikā devān
yakṣarakṣāṁsi rājasāḥ
pretānbhūtagaṇāṁścānye
yajante tāmasā janāḥ

Verse 5

aśāstravihitaṁ ghoram
tapyante ye tapo janāḥ
dambhāhaṅkārasaṁyuktāḥ
kāmarāgabalānvitāḥ

Verse 6

karśayantaḥ śarīrastham
bhūtagrāmamacetasaḥ
māṁ caivāntaḥ śarīrastham
tānviddhyāsuraniścayān

Verse 7

āhārastvapi sarvasya
trividho bhavati priyaḥ
yajñastapastathā dānam
teṣāṁ bhedamimaṁ śṛṇu

Verse 8

āyuḥsattvabalārogya-
sukhaprītivivardhanāḥ
rasyāḥsnigdhāḥsthirā hṛdyāḥ
āhārāḥ sāttvikapriyāḥ

Verse 9

kaṭvamlalavaṇātyuṣṇa-
tīkṣṇarūkṣavidāhinaḥ
āhārā rājasasyeṣṭāḥ
duḥkhaśokāmayapradāḥ

Verse 10

yātayāmaṁ gatarasam
pūti paryuṣitaṁ ca yat
ucchiṣṭamapi cāmedhyam
bhojanaṁ tāmasapriyam