Chapter 17
The three-fold faith

Lyrics :
English
English Sanskrit

Verse 21

yattu pratyupakārārtham
phalamuddiśya vā punaḥ
dīyate ca parikliṣṭam
taddānaṁ rājasaṁ smṛtam

Verse 22

adeśakāle yaddānam
apātrebhyaśca dīyate
asatkṛtamavajñātam
tattāmasamudāhṛtam

Verse 23

oṁ tatsaditi nirdeśaḥ
brahmaṇastrividhaḥ smṛtaḥ
brāhmaṇāstena vedāśca
yajñāśca vihitāḥ purā

Verse 24

tasmādomityudāhṛtya
yajñadānatapaḥkriyāḥ
pravartante vidhānoktāḥ
satataṁ brahmavādinām

Verse 25

tadityanabhisandhāya
phalaṁ yajñatapaḥ kriyāḥ
dānakriyāśca vividhāḥ
kriyante mokṣakāṅkṣibhiḥ

Verse 26

sadbhāve sādhubhāve ca
sadityetatprayujyate
praśaste karmaṇi tathā
sacchabdaḥ pārtha yujyate

Verse 27

yajñe tapasi dāne ca
sthitiḥ saditi cocyate
karma caiva tadarthīyam
sadityevābhidhīyate

Verse 28

aśraddhayā hutaṁ dattam
tapastaptaṁ kṛtaṁ ca yat
asadityucyate pārtha
na ca tatpretya no iha

Conclusion

om tat sat - iti
śrīmadbhagavadgītāsu upaniṣatsu
brahmavidyāyāṁ yogaśāstre
śrīkṛṣṇārjunasaṁvāde
śraddhātrayavibhāgayogo nāma
saptadaśo'dhyāyaḥ