Chapter 3
Unfoldment through Action

Lyrics :
English
English Sanskrit

Verse 31

ye me matamidaṁ nityam
anutiṣṭhanti mānavāḥ
śraddhāvanto'nasūyantaḥ
mucyante te'pi karmabhiḥ

Verse 32

ye tvetadabhyasūyantaḥ
nānutiṣṭhanti me matam
sarvajñānavimūḍhāṁstān
viddhi naṣṭānacetasaḥ

Verse 33

sadṛśaṁ ceṣṭate svasyāḥ
prakṛterjñānavānapi
prakṛtiṁ yānti bhūtāni
nigrahaḥ kiṁ kariṣyati

Verse 34

indriyasyendriyasyārthe
rāgadveṣau vyavasthitau
tayornavaśamāgacchet
tau hyasya paripanthinau

Verse 35

śreyānsvadharmo viguṇaḥ
paradharmātsvanuṣṭhitāt
svadharme nidhanaṁ śreyaḥ
paradharmo bhayāvahaḥ

Verse 36

arjuna uvāca
atha kena prayukto'yam
pāpaṁ carati pūruṣaḥ
anicchannapi vārṣṇeya
balādiva niyojitaḥ

Verse 37

śrībhagavānuvāca
kāma eṣa krodha eṣaḥ
rajoguṇasamudbhavaḥ
mahāśano mahāpāpmā
viddhyenamiha vairiṇam

Verse 38

dhūmenāvriyate vahniḥ
yathādarśo malena ca
yatholbenāvṛto garbhaḥ
tathā tenedamāvṛtam

Verse 39

āvṛtaṁ jñānametena
jñānino nityavairiṇā
kāmarūpeṇa kaunteya
duṣpūreṇānalena ca

Verse 40

indriyāṇi mano buddhiḥ
asyādhiṣṭhānamucyate
etairvimohayatyeṣaḥ
jñānamāvṛtya dehinam

Verse 41

tasmāttvamindriyāṇyādau
niyamya bharatarṣabha
pāpmānaṁ prajahihyenam
jñānavijñānanāśanam

Verse 42

indriyāṇi parāṇyāhuḥ
indriyebhyaḥ paraṁ manaḥ
manasastu parā buddhiḥ
yo buddheḥ paratastu saḥ

Verse 43

evaṁ buddheḥ paraṁ buddhvā
saṁstabhyātmānamātmanā
jahi śatruṁ mahābāho
kāmarūpaṁ durāsadam

Conclusion

om tat sat - iti
śrīmadbhagavadgītāsu upaniṣatsu
brahmavidyāyāṁ yogaśāstre
śrīkṛṣṇārjunasaṁvāde
karmayogo nāma
tṛtīyo'dhyāyaḥ