Chapter 3
Unfoldment through Action

Lyrics :
English
English Sanskrit

Verse 21

yadyadācarati śreṣṭhaḥ
tattadevetaro janaḥ
sa yatpramāṇaṁ kurute
lokastadanuvartate

Verse 22

na me pārthāsti kartavyam
triṣu lokeṣu kiñcana
nānavāptamavāptavyam
varta eva ca karmaṇi

Verse 23

yadi hyahaṁ na varteyam
jātu karmaṇyatandritaḥ
mama vartmānuvartante
manuṣyāḥ pārtha sarvaśaḥ

Verse 24

utsīdeyurime lokāḥ
na kuryāṁ karma cedaham
saṅkarasya ca kartā syām
upahanyāmimāḥ prajāḥ

Verse 25

saktāḥ karmaṇyavidvāṁsaḥ
yathā kurvanti bhārata
kuryādvidvāṁstathāsaktaḥ
cikīrṣurlokasaṅgraham

Verse 26

na buddhi bhedaṁ janayet
ajñānāṁ karmasaṅginām
joṣayetsarvakarmāṇi
vidvānyuktaḥ samācaran

Verse 27

prakṛteḥ kriyamāṇāni
guṇaiḥ karmāṇi sarvaśaḥ
ahaṅkāravimūḍhātmā
kartāhamiti manyate

Verse 28

tattvavittu mahābāho
guṇakarmavibhāgayoḥ
guṇā guṇeṣu vartante
iti matvā na sajjate

Verse 29

prakṛterguṇasammūḍhāḥ
sajjante guṇakarmasu
tānakṛtsnavido mandān
kṛtsnavinnavicālayet

Verse 30

mayi sarvāṇi karmāṇi
sannyasyādhyātmacetasā
nirāśīrnirmamo bhūtvā
yudhyasva vigatajvaraḥ