Chapter 5
True Renunciation

Lyrics :
English
English Sanskrit

Verse 11

kāyena manasā buddhyā
kevalairindriyairapi
yoginaḥ karma kurvanti
saṅgaṁ tyaktvātmaśuddhaye

Verse 12

yuktaḥ karmaphalaṁ tyaktvā
śāntimāpnoti naiṣṭhikīm
ayuktaḥ kāmakāreṇa
phale sakto nibadhyate

Verse 13

sarvakarmāṇi manasā
sannyasyāste sukhaṁ vaśī
navadvāre pure dehī
naiva kurvanna kārayan

Verse 14

na kartṛtvaṁ na karmāṇi
lokasya sṛjati prabhuḥ
na karmaphalasaṁyogam
svabhāvastu pravartate

Verse 15

nādatte kasyacitpāpam
na caiva sukṛtaṁ vibhuḥ
ajñānenāvṛtaṁ jñānam
tena muhyanti jantavaḥ

Verse 16

jñānena tu tadajñānam
yeṣāṁ nāśitamātmanaḥ
teṣāmādityavajjñānam
prakāśayati tatparam

Verse 17

tadbuddhayastadātmānaḥ
tanniṣṭhāstatparāyaṇāḥ
gacchantyapunarāvṛttim
jñānanirdhūtakalmaṣāḥ

Verse 18

vidyāvinayasampanne
brāhmaṇe gavi hastini
śuni caiva śvapāke ca
paṇḍitāḥ samadarśinaḥ

Verse 19

ihaiva tairjitaḥ sargaḥ
yeṣāṁ sāmye sthitaṁ manaḥ
nirdoṣaṁ hi samaṁ brahma
tasmādbrahmaṇi te sthitāḥ

Verse 20

na prahṛṣyetpriyaṁ prāpya
nodvijetprāpya cāpriyam
sthirabuddhirasammūḍhaḥ
brahmavidbrahmaṇi sthitaḥ