Chapter 5
True Renunciation

Lyrics :
English
English Sanskrit

Introduction

[ om śrīparamātmane namaḥ ]
atha pañcamo'dhyāyaḥ
[ karmasannyāsayogaḥ ]

Note: It is recommended to include the salutation and the chapter name, when an individual chapter is being chanted.

Verse 1

arjuna uvāca
sannyāsaṁ karmaṇāṁ kṛṣṇa
punaryogaṁ ca śaṁsasi
yacchreya etayorekam
tanme brūhi suniścitam

Verse 2

śrībhagavānuvāca
sannyāsaḥ karmayogaśca
niḥśreyasakarāvubhau
tayostu karmasannyāsāt
karmayogo viśiṣyate

Verse 3

jñeyaḥ sa nityasannyāsī
yo na dveṣṭi na kāṅkṣati
nirdvandvo hi mahābāho
sukhaṁ bandhātpramucyate

Verse 4

sāṅkhyayogau pṛthagbālāḥ
pravadanti na paṇḍitāḥ
ekamapyāsthitaḥ samyak
ubhayorvindate phalam

Verse 5

yatsāṅkhyaiḥ prāpyate sthānam
tadyogairapi gamyate
ekaṁ sāṅkhyaṁ ca yogaṁ ca
yaḥ paśyati sa paśyati

Verse 6

sannyāsastu mahābāho
duḥkhamāptumayogataḥ
yogayukto munirbrahma
nacireṇādhigacchati

Verse 7

yogayukto viśuddhātmā
vijitātmā jitendriyaḥ
sarvabhūtātmabhūtātmā
kurvannapi na lipyate

Verse 8

naiva kiñcitkaromīti
yukto manyeta tattvavit
paśyañśṛṇvanspṛśañjighran
aśnangacchansvapañśvasan

Verse 9

pralapanvisṛjangṛhṇan
unmiṣannimiṣannapi
indriyāṇīndriyārtheṣu
vartanta iti dhārayan

Verse 10

brahmaṇyādhāya karmāṇi
saṅgaṁ tyaktvā karoti yaḥ
lipyate na sa pāpena
padmapatramivāmbhasā