Chapter 9
The Royal Secret

Lyrics :
English
English Sanskrit

Verse 21

te taṁ bhuktvā svargalokaṁ viśālam
kṣīṇe puṇye martyalokaṁ viśanti
evaṁ trayīdharmamanuprapannāḥ
gatāgataṁ kāmakāmā labhante

Verse 22

ananyāścintayanto mām
ye janāḥ paryupāsate
teṣāṁ nityābhiyuktānām
yogakṣemaṁ vahāmyaham

Verse 23

ye'pyanyadevatā bhaktāḥ
yajante śraddhayānvitāḥ
te'pi māmeva kaunteya
yajantyavidhipūrvakam

Verse 24

ahaṁ hi sarvayajñānām
bhoktā ca prabhureva ca
na tu māmabhijānanti
tattvenātaścyavanti te

Verse 25

yānti devavratā devān
pitṝnyānti pitṛvratāḥ
bhūtāni yānti bhūtejyāḥ
yānti madyājino'pi mām

Verse 26

patraṁ puṣpaṁ phalaṁ toyam
yo me bhaktyā prayacchati
tadahaṁ bhaktyupahṛtam
aśnāmi prayatātmanaḥ

Verse 27

yatkaroṣi yadaśnāsi
yajjuhoṣi dadāsi yat
yattapasyasi kaunteya
tatkuruṣva madarpaṇam

Verse 28

śubhāśubhaphalairevam
mokṣyase karmabandhanaiḥ
sannyāsayogayuktātmā
vimukto māmupaiṣyasi

Verse 29

samo'ham sarvabhūteṣu
na me dveṣyo'sti na priyaḥ
ye bhajanti tu māṁ bhaktyā
mayi te teṣu cāpyaham

Verse 30

api cetsudurācāraḥ
bhajate māmananyabhāk
sādhureva sa mantavyaḥ
samyagvyavasito hi saḥ

Verse 31

kṣipraṁ bhavati dharmātmā
śaśvacchāntiṁ nigacchati
kaunteya pratijānīhi
na me bhaktaḥ praṇaśyati

Verse 32

māṁ hi pārtha vyapāśritya
ye'pi syuḥ pāpayonayaḥ
striyo vaiśyāstathā śūdrāḥ
te'pi yānti parāṁ gatim

Verse 33

kiṁ punarbrāhmaṇāḥ puṇyāḥ
bhaktā rājarṣayastathā
anityamasukhaṁ lokam
imaṁ prāpya bhajasva mām

Verse 34

mammanā bhava madbhaktaḥ
madyājī māṁ namaskuru
māmevaiṣyasi yuktvaivam
ātmānaṁ matparāyaṇaḥ

Conclusion

om tat sat - iti
śrīmadbhagavadgītāsu upaniṣatsu
brahmavidyāyāṁ yogaśāstre
śrīkṛṣṇārjunasaṁvāde
rājavidyārājaguhyayogo nāma
navamo'dhyāyaḥ