Chapter 9
The Royal Secret

Lyrics :
English
English Sanskrit

Verse 11

avajānanti māṁ mūḍhā
mānuṣīṁ tanumāśritam
paraṁ bhāvamajānantaḥ
mama bhūtamaheśvaram

Verse 12

moghāśā moghakarmāṇaḥ
moghajñānā vicetasaḥ
rākṣasīmāsurīṁ caiva
prakṛtiṁ mohinīṁ śritāḥ

Verse 13

mahātmānastu māṁ pārtha
daivīṁ prakṛtimāśritāḥ
bhajantyananyamanasaḥ
jñātvā bhūtādimavyayam

Verse 14

satataṁ kīrtayanto mām
yatantaśca dṛḍhavratāḥ
namasyantaśca māṁ bhaktyā
nityayuktā upāsate

Verse 15

jñānayajñena cāpyanye
yajanto māmupāsate
ekatvena pṛthaktvena
bahudhā viśvatomukham

Verse 16

ahaṁ kraturahaṁ yajñaḥ
svadhāhamahamauṣadham
mantro'hamahamevājyam
ahamagnirahaṁ hutam

Verse 17

pitāhamasya jagataḥ
mātā dhātā pitāmahaḥ
vedyaṁ pavitramoṅkāraḥ
ṛksāmayajureva ca

Verse 18

gatirbhartā prabhuḥ sākṣī
nivāsaḥ śaraṇaṁ suhṛt
prabhavaḥ pralayaḥ sthānam
nidhānaṁ bījamavyayam

Verse 19

tapāmyahamahaṁ varṣam
nigṛhṇāmyutsṛjāmi ca
amṛtaṁ caiva mṛtyuśca
sadasaccāhamarjuna

Verse 20

traividyā māṁ somapāḥ pūtapāpāḥ
yajñairiṣṭvā svargatiṁ prārthayante
te puṇyamāsādya surendralokam
aśnanti divyāndivi devabhogān