Chapter 1
Arjuna’s Grief

Lyrics :
Sanskrit
Sanskrit English

Verse 41

अधर्माभिभवात्कृष्ण
प्रदुष्यन्ति कुलस्त्रियः।
स्त्रीषु दुष्टासु वार्ष्णेय
जायते वर्णसङ्करः॥

Verse 42

सङ्करो नरकायैव
कुलघ्नानां कुलस्य च।
पतन्ति पितरो ह्येषाम्
लुप्तपिण्डोदकक्रियाः॥

Verse 43

दोषैरेतैः कुलघ्नानाम्
वर्णसङ्करकारकैः।
उत्साद्यन्ते जातिधर्माः
कुलधर्माश्च शाश्वताः॥

Verse 44

उत्सन्नकुलधर्माणाम्
मनुष्याणां जनार्दन।
नरकेऽनियतं वासः
भवतीत्यनुशुश्रुम॥

Verse 45

अहो बत महत्पापम्
कर्तुं व्यवसिता वयम्।
यद्राज्यसुखलोभेन
हन्तुं स्वजनमुद्यताः॥

Verse 46

यदि मामप्रतीकारम्
अशस्त्रं शस्त्रपाणयः।
धार्तराष्ट्रा रणे हन्युः
तन्मे क्षेमतरं भवेत्॥

Verse 47

सञ्जय उवाच।
एवमुक्त्वार्जुनः सङ्ख्ये
रथोपस्थ उपाविशत्।
विसृज्य सशरं चापम्
शोकसंविग्नमानसः॥

Conclusion

ॐ तत् सत् इति
श्रीमद्‌भगवद्‌गीतासु उपनिषत्सु
ब्रह्मविद्यायां योगशास्त्रे
श्रीकृष्णार्जुनसंवादे
अर्जुनविषादयोगो नाम
श्रीकृष्णार्पणमस्तु॥