Chapter 9
The Royal Secret

Lyrics :
Sanskrit
Sanskrit English

Verse 21

ते तं भुक्त्वा स्वर्गलोकं विशालम्
क्षीणे पुण्ये मर्त्यलोकं विशन्ति।
एवं त्रयीधर्ममनुप्रपन्नाः
गतागतं कामकामा लभन्ते॥

Verse 22

अनन्याश्चिन्तयन्तो माम्
ये जनाः पर्युपासते।
तेषां नित्याभियुक्तानाम्
योगक्षेमं वहाम्यहम्॥

Verse 23

येऽप्यन्यदेवता भक्ताः
यजन्ते श्रद्धयान्विताः।
तेऽपि मामेव कौन्तेय
यजन्त्यविधिपूर्वकम्॥

Verse 24

अहं हि सर्वयज्ञानाम्
भोक्ता च प्रभुरेव च।
न तु मामभिजानन्ति
तत्त्वेनातश्च्यवन्ति ते॥

Verse 25

यान्ति देवव्रता देवान्
पितॄन्यान्ति पितृव्रताः।
भूतानि यान्ति भूतेज्याः
यान्ति मद्याजिनोऽपि माम्॥

Verse 26

पत्रं पुष्पं फलं तोयम्
यो मे भक्त्या प्रयच्छति।
तदहं भक्त्युपहृतम्
अश्नामि प्रयतात्मनः॥

Verse 27

यत्करोषि यदश्नासि
यज्जुहोषि ददासि यत्।
यत्तपस्यसि कौन्तेय
तत्कुरुष्व मदर्पणम्॥

Verse 28

शुभाशुभफलैरेवम्
मोक्ष्यसे कर्मबन्धनैः।
सन्न्यासयोगयुक्तात्मा
विमुक्तो मामुपैष्यसि॥

Verse 29

समोऽहम् सर्वभूतेषु
न मे द्वेष्योऽस्ति न प्रियः।
ये भजन्ति तु मां भक्त्या
मयि ते तेषु चाप्यहम्॥

Verse 30

अपि चेत्सुदुराचारः
भजते मामनन्यभाक्।
साधुरेव स मन्तव्यः
सम्यग्व्यवसितो हि सः॥

Verse 31

क्षिप्रं भवति धर्मात्मा
शश्वच्छान्तिं निगच्छति।
कौन्तेय प्रतिजानीहि
न मे भक्तः प्रणश्यति॥

Verse 32

मां हि पार्थ व्यपाश्रित्य
येऽपि स्युः पापयोनयः।
स्त्रियो वैश्यास्तथा शूद्राः
तेऽपि यान्ति परां गतिम्॥

Verse 33

किं पुनर्ब्राह्मणाः पुण्याः
भक्ता राजर्षयस्तथा।
अनित्यमसुखं लोकम्
इमं प्राप्य भजस्व माम्॥

Verse 34

मम्मना भव मद्भक्तः
मद्याजी मां नमस्कुरु।
मामेवैष्यसि युक्त्वैवम्
आत्मानं मत्परायणः॥

Conclusion

ॐ तत् सत् इति
श्रीमद्‌भगवद्‌गीतासु उपनिषत्सु
ब्रह्मविद्यायां योगशास्त्रे
श्रीकृष्णार्जुनसंवादे
राजविद्याराजगुह्ययोगो नाम
नवमोऽध्यायः॥