Chapter 11
The divine cosmic form

Lyrics :
English
English Sanskrit

Verse 21

amī hi tvāṁ surasaṅghā viśanti
kecidbhītāḥprāñjalayo gṛṇanti
svastītyuktvā maharṣisiddhasaṅghāḥ
stuvanti tvāṁ stutibhiḥ puṣkalābhiḥ

Verse 22

rudrādityā vasavo ye ca sādhyāḥ
viśve'śvinau marutaścoṣmapāśca
gandharvayakṣāsurasiddhasaṅghāḥ
vīkṣante tvāṁ vismitāścaiva sarve

Verse 23

rupaṁ mahatte bahuvaktranetram
mahābāho bahubāhūrupādam
bahūdaraṁ bahudaṁṣṭrākarālam
dṛṣṭvā lokāḥpravyathitāstathāham

Verse 24

nabhaḥspṛśaṁ dīptamanekavarṇam
vyāttānanaṁ dīptaviśālanetram
dṛṣṭvā hi tvāṁ pravyathitāntarātmā
dhṛtiṁ na vindāmi śamaṁ ca viṣṇo

Verse 25

daṁṣṭrākarālāni ca te mukhāni
dṛṣṭvaiva kālānalasannibhāni
diśo na jāne na labhe ca śarma
prasīda deveśa jagannivāsa

Verse 26

amī ca tvāṁ dhṛtarāṣṭrasya putrāḥ
sarve sahaivāvanipālasaṅghaiḥ
bhīṣmo droṇaḥsūtaputrastathāsau
sahāsmadīyairapi yodhamukhyaiḥ

Verse 27

vaktrāṇi te tvaramāṇā viśanti
daṁṣṭrākarālāni bhayānakāni
kecidvilagnā daśanāntareṣu
sandṛśyante cūrṇitairuttamāṅgaiḥ

Verse 28

yathā nadīnāṁ bahavo'mbuvegāḥ
samudramevābhimukhā dravanti
tathā tavāmī naralokavīrāḥ
viśanti vaktrāṇyabhivijvalanti

Verse 29

yathā pradīptaṁ jvalanaṁ pataṅgāḥ
viśanti nāśāya samṛddhavegāḥ
tathaiva nāśāya viśanti lokāḥ
tavāpi vaktrāṇi samṛddhavegāḥ

Verse 30

lelihyase grasamānaḥsamantāt
lokānsamagrānvadanairjvaladbhiḥ
tejobhirāpūrya jagatsamagram
bhāsastavogrāḥ pratapanti viṣṇo