Chapter 11
The divine cosmic form

Lyrics :
English
English Sanskrit

Verse 11

divyamālyāmbaradharam
divyagandhānulepanam
sarvāścaryamayaṁ devam
anantaṁ viśvatomukham

Verse 12

divi sūryasahasrasya
bhavedyugapadutthitā
yadi bhāḥsadṛśī sā syāt
bhāsastasya mahātmanaḥ

Verse 13

tatraikasthaṁ jagatkṛtsnam
pravibhaktamanekadhā
apaśyaddevadevasya
śarīre pāṇḍavastadā

Verse 14

tataḥsa vismayāviṣṭaḥ
hṛṣṭaromā dhanañjayaḥ
praṇamya śirasā devam
kṛtāñjalirabhāṣata

Verse 15

arjuna uvāca
paśyāmi devāṁstava deva dehe
sarvāṁstathā bhūtaviśeṣasaṅghān
brahmāṇamīśaṁ kamalāsanastham
ṛṣīṁśca sarvānuragānśca divyān

Verse 16

anekabāhūdaravaktranetram
paśyāmi tvāṁ sarvato'nantarūpam
nāntaṁ na madhyaṁ na punastavādim
paśyāmi viśveśvara viśvarūpa

Verse 17

kirīṭinaṁ gadinaṁ cakriṇaṁ ca
tejorāśiṁ sarvato dīptimantam|
paśyāmi tvāṁ durnirīkṣyaṁ samantāt
dīptānalārkadyutimapremeyam

Verse 18

tvamakṣaraṁ paramaṁ veditavyam
tvamasya viśvasya paraṁ nidhānam
tvamavyayaḥ śāśvatadharmagoptā
sanātanastvaṁ puruṣo mato me

Verse 19

anādimadhyāntamanantavīryam
anantabāhuṁ śaśisūryanetram
paśyāmi tvāṁ dīptahutāśavaktram
svatejasā viśvamidaṁ tapantam

Verse 20

dyāvāpṛthivyoridamantaraṁ hi
vyāptaṁ tvayaikena diśaśca sarvāḥ
dṛṣṭvādbhutaṁ rūpamugraṁ tavedam
lokatrayaṁ pravyathitaṁ mahātman