Chapter 11
The divine cosmic form

Lyrics :
English
English Sanskrit

Verse 41

sakheti matvā prasabhaṁ yaduktam
he kṛṣṇa he yādava he sakheti
ajānatā mahimānaṁ tavedam
mayā pramādātpraṇayena vāpi

Verse 42

yaccāvahāsārthamasatkṛto'si
vihāraśayyāsanabhojaneṣu
eko'thavāpyacyuta tatsamakṣam
tatkṣāmaye tvāmahamaprameyam

Verse 43

pitāsi lokasya carācarasya
tvamasya pūjyaśca gururgarīyān
na tvatsamo'styabhyadhikaḥkuto'nyaḥ
lokatraye'pyapratimaprabhāva

Verse 44

tasmātpraṇamya praṇidhāya kāyam
prasādaye tvāmahamīśamīḍyam
piteva putrasya sakheva sakhyuḥ
priyaḥpriyāyārhasi deva soḍhum

Verse 45

adṛṣṭapūrvaṁ hṛṣito'smi dṛṣṭvā
bhayena ca pravyathitaṁ mano me
tadeva me darśaya devarūpam
prasīda deveśa jagannivāsa

Verse 46

kirīṭinaṁ gadinaṁ cakrahastam
icchāmi tvāṁ draṣṭumahaṁ tathaiva
tenaiva rūpeṇa caturbhujena
sahasrabāho bhava viśvamūrte

Verse 47

śrībhagavānuvāca
mayā prasannena tavārjunedam
rūpaṁ paraṁ darśitamātmayogāt
tejomayaṁ viśvamanantamādyam
yanme tvadanyena na dṛṣṭapūrvam

Verse 48

na vedayajñādhyayanairna dānaiḥ
na ca kriyābhirna tapobhirugraiḥ
evaṁrūpaḥ śakya ahaṁ nṛloke
draṣṭuṁ tvadanyena kurupravīra

Verse 49

mā te vyathā mā ca vimūḍhabhāvaḥ
dṛṣṭvā rūpaṁ ghoramīdṛṅmamedam
vyapetabhīḥprītamanāḥpunastvam
tadeva me rūpamidam prapaśya

Verse 50

sañjaya uvāca
ityarjunaṁ vāsudevastathoktvā
svakaṁ rūpaṁ darśayāmāsa bhūyaḥ
āśvāsayāmāsa ca bhītamenam
bhūtvā punaḥsaumyavapurmahātmā