Chapter 6
Meditation

Lyrics :
English
English Sanskrit

Verse 21

sukhamātyantikaṁ yattat
buddhigrāhyamatīndriyam
vetti yatra na caivāyam
sthitaścalati tattvataḥ

Verse 22

yaṁ labdhvā cāparaṁ lābham
manyate nādhikaṁ tataḥ
yasminsthito na duḥkhena
guruṇāpi vicālyate

Verse 23

taṁ vidyādduḥkhasaṁyoga-
viyogaṁ yogasañjñitam
sa niścayena yoktavyaḥ
yogo'nirviṇṇacetasā

Verse 24

saṅkalpaprabhavānkāmān
tyaktvā sarvānaśeṣataḥ
manasaivendriyagrāmam
viniyamya samantataḥ

Verse 25

śanaiḥ śanairuparamet
buddhyā dhṛtigṛhītayā
ātmasaṁsthaṁ manaḥ kṛtvā
na kiñcidapi cintayet

Verse 26

yato yato niścarati
manaścañcalamasthiram
tatastato niyamyaitat
ātmanyeva vaśaṁ nayet

Verse 27

praśāntamanasaṁ hyenam
yoginaṁ sukhamuttamam
upaiti śāntarajasam
brahmabhūtamakalmaṣam

Verse 28

yuñjannevaṁ sadātmānam
yogī vigatakalmaṣaḥ
sukhena brahmasaṁsparśam
atyantaṁ sukhamaśnute

Verse 29

sarvabhūtasthamātmānam
sarvabhūtāni cātmani
īkṣate yogayuktātmā
sarvatra samadarśanaḥ

Verse 30

yo māṁ paśyati sarvatra
sarvaṁ ca mayi paśyati
tasyāhaṁ na praṇaśyāmi
sa ca me na praṇaśyati