Chapter 6
Meditation

Lyrics :
English
English Sanskrit

Verse 31

sarvabhūtasthitaṁ yo mām
bhajatyekatvamāsthitaḥ
sarvathā vartamāno'pi
sa yogī mayi vartate

Verse 32

ātmaupamyena sarvatra
samaṁ paśyati yo'rjuna
sukhaṁ vā yadi vā duḥkham
sa yogī paramo mataḥ

Verse 33

arjuna uvāca
yo'yaṁ yogastvayā proktaḥ
sāmyena madhusūdana
etasyāhaṁ na paśyāmi
cañcalatvāt sthitiṁ sthirām

Verse 34

cañcalam hi manaḥ kṛṣṇa
pramāthi balavaddṛḍham
tasyāhaṁ nigrahaṁ manye
vāyoriva suduṣkaram

Verse 35

śrībhagavānuvāca
asaṁśayaṁ mahābāho
mano durnigrahaṁ calam
abhyāsena tu kaunteya
vairāgyeṇa ca gṛhyate

Verse 36

asaṁyatātmanā yogaḥ
duṣprāpa iti me matiḥ
vaśyātmanā tu yatatāa
śakyo'vāptumupāyataḥ

Verse 37

arjuna uvāca
ayatiḥ śraddhayopetaḥ
yogāccalitamānasaḥ
aprāpya yogasaṁsiddhim
kāṁ gatiṁ kṛṣṇa gacchati

Verse 38

kaccinnobhayavibhraṣṭaḥ
chinnābhramiva naśyati
apratiṣṭho mahābāho
vimūḍho brahmaṇaḥ pathi

Verse 39

etanme saṁśayaṁ kṛṣṇa
chettumarhasyaśeṣataḥ
tvadanyaḥ saṁśayasyāsya
chettā na hyupapadyate

Verse 40

śrībhagavānuvāca
pārtha naiveha nāmutra
vināśastasya vidyate
na hi kalyāṇakṛtkaścit
durgatiṁ tāta gacchati