Chapter 14
The three moods

Lyrics :
English
English Sanskrit

Introduction

[ om śrīparamātmane namaḥ ]
atha caturdaśo'dhyāayaḥ.
[ guṇatrayavibhāgayogaḥ ]

Verse 1

śrībhagavānuvāca
paraṁ bhūyaḥ pravakṣyāmi
jñānānāṁ jñānamuttamam
yajjñātvā munayaḥ sarve
parāṁ siddhimito gatāḥ

Verse 2

idaṁ jñānamupāśritya
mama sādharmyamāgatāḥ
sarge'pi nopajāyante
pralaye na vyathanti ca

Verse 3

mama yonirmahadbrahma
tasmingarbhaṁ dadhāmyaham
sambhavaḥsarvabhūtānām
tato bhavati bhārata

Verse 4

sarvayoniṣu kaunteya
mūrtayaḥ sambhavanti yāḥ
tāsāṁ brahma mahadyoniḥ
ahaṁ bījapradaḥ pitā

Verse 5

sattvaṁ rajastama iti
guṇāḥ prakṛtisambhavāḥ
nibadhnanti mahābāho
dehe dehinamavyayam

Verse 6

tatra sattvaṁ nirmalatvāt
prakāśakamanāmayam
sukhasaṅgena badhnāti
jñānasaṅgena cānagha

Verse 7

rajo rāgātmakaṁ viddhi
tṛṣṇāsaṅgasamudbhavam
tannibadhnāti kaunteya
karmasaṅgena dehinam

Verse 8

tamastvajñānajaṁ viddhi
mohanaṁ sarvadehinām
pramādālasyanidrābhiḥ
tannibadhnāti bhārata

Verse 9

sattvaṁ sukhe sañjayati
rajaḥ karmaṇi bhārata
jñānamāvṛtya tu tamaḥ
pramāde sañjayatyuta

Verse 10

rajastamaścābhibhūya
sattvaṁ bhavati bhārata
rajaḥsattvaṁ tamaścaiva
tamaḥ sattvaṁ rajastathā