Chapter 14
The three moods

Lyrics :
English
English Sanskrit

Verse 11

sarvadvāreṣu dehe'smin
prakāśa upajāyate
jñānaṁ yadāa tadā vidyāt
vivṛddhaṁ sattvamityuta

Verse 12

lobhaḥ pravṛttirārambhaḥ
karmaṇāmaśamaḥ spṛhā
rajasyetāni jāyante
vivṛddhe bharatarṣabha

Verse 13

aprakāśo'pravṛttiśca
pramādo moha eva ca
tamasyetāni jāyante
vivṛddhe kurunandana

Verse 14

yadā sattve pravṛddhe tu
pralayaṁ yāti dehabhṛt
tadottamavidāṁ lokān
amalānpratipadyate

Verse 15

rajasi pralayaṁ gatvā
karmasaṅgiṣu jāyate
tathā pralīnastamasi
mūḍhayoniṣu jāyate

Verse 16

karmaṇaḥ sukṛtasyāhuḥ
sāttvikaṁ nirmalaṁ phalam
rajasastu phalaṁ duḥkham
ajñānaṁ tamasaḥ phalam

Verse 17

sattvātsañjāyate jñānam
rajaso lobha eva ca
pramādamohau tamasaḥ
bhavato'jñānameva ca

Verse 18

ūrdhvaṁ gacchanti sattvasthāḥ
madhye tiṣṭhanti rājasāḥ
jaghanyaguṇavṛttisthāḥ
adho gacchanti tāmasāḥ

Verse 19

nānyaṁ guṇebhyaḥ kartāram
yadā draṣṭānupaśyati
guṇebhyaśca paraṁ vetti
madbhāvaṁ so'dhigacchati

Verse 20

guṇānetānatītya trīn
dehī dehasamudbhavān
janmamṛtyujarāduḥkhaiḥ
vimukto'mṛtamaśnute