Chapter 14
The three moods

Lyrics :
Sanskrit
Sanskrit English

Verse 11

सर्वद्वारेषु देहेऽस्मिन्
प्रकाश उपजायते।
ज्ञानं यदा तदा विद्यात्
विवृद्धं सत्त्वमित्युत॥

Verse 12

लोभः प्रवृत्तिरारम्भः
कर्मणामशमः स्पृहा।
रजस्येतानि जायन्ते
विवृद्धे भरतर्षभ॥

Verse 13

अप्रकाशोऽप्रवृत्तिश्च
प्रमादो मोह एव च।
तमस्येतानि जायन्ते
विवृद्धे कुरुनन्दन॥

Verse 14

यदा सत्त्वे प्रवृद्धे तु
प्रलयं याति देहभृत्।
तदोत्तमविदां लोकान्
अमलान्प्रतिपद्यते॥

Verse 15

रजसि प्रलयं गत्वा
कर्मसङ्गिषु जायते।
तथा प्रलीनस्तमसि
मूढयोनिषु जायते॥

Verse 16

कर्मणः सुकृतस्याहुः
सात्त्विकं निर्मलं फलम्।
रजसस्तु फलं दुःखम्
अज्ञानं तमसः फलम्॥

Verse 17

सत्त्वात्सञ्जायते ज्ञानम्
रजसो लोभ एव च।
प्रमादमोहौ तमसः
भवतोऽज्ञानमेव च॥

Verse 18

ऊर्ध्वं गच्छन्ति सत्त्वस्थाः
मध्ये तिष्ठन्ति राजसाः।
जघन्यगुणवृत्तिस्थाः
अधो गच्छन्ति तामसाः॥

Verse 19

नान्यं गुणेभ्यः कर्तारम्
यदा द्रष्टानुपश्यति।
गुणेभ्यश्च परं वेत्ति
मद्भावं सोऽधिगच्छति॥

Verse 20

गुणानेतानतीत्य त्रीन्
देही देहसमुद्भवान्।
जन्ममृत्युजरादुःखैः
विमुक्तोऽमृतमश्नुते॥