Chapter 15
The Supreme Spirit

Lyrics :
English
English Sanskrit

Introduction

[ om śrīparamātmane namaḥ ]
atha pañcadaśo'dhyāayaḥ.
[ puruṣottamayogaḥ ]

Note: It is recommended to include the salutation and the chapter name, when an individual chapter is being chanted.

Verse 1

śrībhagavānuvāca
ūrdhvamūlamadhaḥ śākham
aśvatthaṁ prāhuravyayam
chandāṁsi yasya parṇāni
yastaṁ veda sa vedavit

Verse 2

adhaścordhvaṁ prasṛtāstasya śākhāḥ
guṇapravṛddhā viṣayapravālāḥ
adhaśca mūlānyanusantatāni
karmānubandhīni manuṣyaloke

Verse 3

na rūpamasyeha tathopalabhyate
nānto na cādirna ca sampratiṣṭhā
aśvatthamenaṁ suvirūḍhamūlam
asaṅgaśastreṇa dṛḍhena chittvā

Verse 4

tataḥ padaṁ tatparimārgitavyam
yasmingatā na nivartanti bhūyaḥ
tameva cādyaṁ puruṣaṁ prapadye
yataḥ pravṛttiḥ prasṛtā purāṇī

Verse 5

nirmānamohā jitasaṅgadoṣāḥ
adhyātmanityā vinivṛttakāmāḥ
dvandvairvimuktāḥ sukhaduḥkhasañjñaiḥ
gacchantyamūḍhāḥ padamavyayaṁ tat

Verse 6

na tadbhāsayate sūryaḥ
na śaśāṅko na pāvakaḥ
yadgatvā na nivartante
taddhāma paramaṁ mama

Verse 7

mamaivāṁśo jīvaloke
jīvabhūtaḥ sanātanaḥ
manaḥṣaṣṭhānīndriyāṇi
prakṛtisthāni karṣati

Verse 8

śarīraṁ yadavāpnoti
yaccāpyutkrāmatīśvaraḥ
gṛhītvaitāni saṁyāti
vāyurgandhānivāśayāt

Verse 9

śrotraṁ cakṣuḥ sparśanaṁ ca
rasanaṁ ghrāṇameva ca
adhiṣṭhāya manaścāyam
viṣayānupasevate

Verse 10

utkrāmantaṁ sthitaṁ vāpi
bhuñjānaṁ vā guṇānvitam
vimūḍhā nānupaśyanti
paśyanti jñānacakṣuṣaḥ