Chapter 16
Divine & Devilish estates

Lyrics :
English
English Sanskrit

Introduction

[ om śrīparamātmane namaḥ ]
atha ṣoḍaśo'dhyāayaḥ.
[ daivāsurasampadvibhāgayogaḥ. ]

Note: It is recommended to include the salutation and the chapter name, when an individual chapter is being chanted.

Verse 1

śrībhagavānuvāca
abhayaṁ sattvasaṁśuddhiḥ
jñānayogavyavasthitiḥ
dānaṁ damaśca yajñaśca
svādhyāyastapa ārjavam

Verse 2

ahiṁsā satyamakrodhaḥ
tyāgaḥ śāntirapaiśunam
dayā bhūteṣvaloluptvam
mārdavaṁ hrīracāpalam

Verse 3

tejaḥ kṣamā dhṛtiḥ śaucam
adroho nātimānitā
bhavanti sampadaṁ daivīm
abhijātasya bhārata

Verse 4

dambho darpo'bhimānaśca
krodhaḥ pāruṣyameva ca
ajñānaṁ cābhijātasya
pārtha sampadamāsurīm

Verse 5

daivī sampadvimokṣāya
nibandhāyāsurī matā
mā śucaḥ sampadaṁ daivīm
abhijāto'si pāṇḍava

Verse 6

dvau bhūtasargau loke'smin
daiva āsura eva ca
daivo vistaraśaḥ proktaḥ
āsuraṁ pārtha me śṛṇu

Verse 7

pravṛttiṁ ca nivṛttiṁ ca
janā na vidurāsurāḥ
na śaucaṁ nāpi cācāraḥ
na satyaṁ teṣu vidyate

Verse 8

asatyamapratiṣṭhaṁ te
jagadāhuranīśvaram
aparasparasambhūtam
kimanyatkāmahaitukam

Verse 9

etāṁ dṛṣṭimavaṣṭabhya
naṣṭātmāno'lpabuddhayaḥ
prabhavantyugrakarmāṇaḥ
kṣayāya jagato'hitāḥ

Verse 10

kāmamāśritya duṣpūram
dambhāmānamadānvitāḥ
mohādgṛhītvāsadgrāhān
pravartante'śucivratāḥ