Chapter 16
Divine & Devilish estates

Lyrics :
English
English Sanskrit

Verse 11

cintāmaparimeyāṁ ca
pralayāntāmupāśritāḥ
kāmopabhogaparamāḥ
etāvaditi niścitāḥ

Verse 12

āśāpāśaśatairbaddhāḥ
kāmakrodhaparāyaṇāḥ
īhante kāmabhogārtham
anyāyenārthasañcayān

Verse 13

idamadya mayā labdham
imaṁ prāpsye manoratham
idasmastīdamapi me
bhaviṣyati punardhanam

Verse 14

asau mayā hataḥśatruḥ
haniṣye cāparānapi
īśvaro'hamahaṁ bhogī
siddho'haṁ balavānsukhī

Verse 15

āḍhyo'bhijanavānasmi
ko'nyo'sti sadṛśo mayā
yakṣye dāsyāmi modiṣye
ityajñānavimohitāḥ

Verse 16

anekacittavibhrāntāḥ
mohajālasamāvṛtāḥ
prasaktāḥ kāmabhogeṣu
patanti narake'śucau

Verse 17

ātmasambhāvitāḥ stabdhāḥ
dhanamānamadānvitāḥ
yajante nāmayajñaiste
dambhenāvidhipūrvakam

Verse 18

ahaṅkāraṁ balaṁ darpam
kāmaṁ krodhaṁ ca saṁśritāḥ
māmātmaparadeheṣu
pradviṣanto'bhyasūyakāḥ

Verse 19

tānahaṁ dviṣataḥ krūrān
saṁsāreṣu narādhamān
kṣipāmyajasramaśubhān
āsurīṣveva yoniṣu

Verse 20

āsurīṁ yonimāpannāḥ
mūḍhā janmani janmani
māmaprāpyaiva kaunteya
tato yāntyadhamāṁ gatim