Chapter 2
Yoga of Knowledge

Lyrics :
English
English Sanskrit

Verse 21

vedāvināśinaṁ nityam
ya enamajamavyayam
kathaṁ sa puruṣaḥ pārtha
kaṁ ghātayati hanti kam

Verse 22

vāsāṁsi jīrṇāni yathā vihāya
navāni gṛhṇāti naro'parāṇi
tathā śarīrāṇi vihāya jīrṇāni
anyāni saṁyāti navāni dehī

Verse 23

nainaṁ chindanti śastrāṇi
nainaṁ dahati pāvakaḥ
na cainaṁ kledayantyāpaḥ
na śoṣayati mārutaḥ

Verse 24

acchedyo'yamadāhyo'yam
akledyo'śoṣya eva ca
nityaḥ sarvagataḥ sthāṇuḥ
acalo'yaṁ sanātanaḥ

Verse 25

avyakto'yamacintyo'yam
avikāryo'yamucyate
tasmādevaṁ viditvainam
nānuśocitumarhasi

Verse 26

atha cainaṁ nityajātam
nityaṁ vā manyase mṛtam
tathāpi tvaṁ mahābāho
naivaṁ śocitumarhasi

Verse 27

jātasya hi dhruvo mṛtyuḥ
dhruvaṁ janma mṛtasya ca
tasmādaparihārye'rthe
na tvaṁ śocitumarhasi

Verse 28

avyaktādīni bhūtāni
vyaktamadhyāni bhārata
avyaktanidhanānyeva
tatra kā paridevanā

Verse 29

āścaryavatpaśyati kaścidenam
āścaryavadvadati tathaiva cānyaḥ
āścaryavaccainamanyaḥ śṛṇoti
śrutvāpyenaṁ veda na caiva kaścit

Verse 30

dehī nityamavadhyo'yam
dehe sarvasya bhārata
tasmātsarvāṇi bhūtāni
na tvaṁ śocitumarhasi