Chapter 5
True Renunciation

Lyrics :
English
English Sanskrit

Verse 21

bāhyasparśeṣvasaktātmā
vindatyātmani yatsukham
sa brahmayogayuktātmā
sukhamakṣayamaśnute

Verse 22

ye hi saṁsparśajā bhogāḥ
duḥkhayonaya eva te
ādyantavantaḥ kaunteya
na teṣu ramate budhaḥ

Verse 23

śaknotīhaiva yaḥ soḍhum
prākśarīravimokṣaṇāt
kāmakrodhodbhavaṁ vegam
sa yuktaḥ sa sukhī naraḥ

Verse 24

yo'ntaḥ sukho'ntarārāmaḥ
tathāntarjyotireva yaḥ
sa yogī brahmanirvāṇam
brahmabhūto'dhigacchati

Verse 25

labhante brahmanirvāṇam
ṛṣayaḥ kṣīṇakalmaṣāḥ
chinnadvaidhā yatātmānaḥ
sarvabhūtahite ratāḥ

Note: It is recommended to completely pronounce the visargaḥ at the end of the word- ṛṣayaḥ, in the second quarter of this verse.

Verse 26

kāmakrodhaviyuktānām
yatīnāṁ yatacetasām
abhito brahmanirvāṇam
vartate viditātmanām

Verse 27

sparśānkṛtvā bahirbāhyān
cakṣuścaivāntare bhruvoḥ
prāṇāpānau samau kṛtvā
nāsābhyantaracāriṇau

Verse 28

yatendriyamanobuddhiḥ
munirmokṣaparāyaṇaḥ
vigatecchābhayakrodhaḥ
yaḥ sadā mukta eva saḥ

Verse 29

bhoktāraṁ yajñatapasām
sarvalokamaheśvaram
suhṛdaṁ sarvabhūtānām
jñātvā māṁ śāntimṛcchati

Conclusion

om tat sat - iti
śrīmadbhagavadgītāsu upaniṣatsu
brahmavidyāyāṁ yogaśāstre
śrīkṛṣṇārjunasaṁvāde
karmasannyāsayogo nāma
pañcamo'dhyāyaḥ