Chapter 4
Ending Action In Knowledge

Lyrics :
English
English Sanskrit

Verse 31

yajñaśiṣṭāmṛtabhujaḥ
yānti brahma sanātanam
nāyaṁ loko'styayajñasya
kuto'nyaḥ kurusattama

Verse 32

evaṁ bahuvidhā yajñāḥ
vitatā brahmaṇo mukhe
karmajānviddhi tānsarvān
evaṁ jñātvā vimokṣyase

Verse 33

śreyāndravyamayādyajñāt
jñānayajñaḥ parantapa
sarvaṁ karmākhilaṁ pārtha
jñāne parisamāpyate

Verse 34

tadviddhi praṇipātena
paripraśnena sevayā
upadekṣyanti te jñānam
jñāninastattvadarśinaḥ

Verse 35

yajjñātvā na punarmoham
evaṁ yāsyasi pāṇḍava
yena bhūtānyaśeṣeṇa
drakṣyasyātmanyatho mayi

Verse 36

api cedasi pāpebhyaḥ
sarvebhyaḥ pāpakṛttamaḥ
sarvaṁ jñānaplavenaiva
vṛjinaṁ santariṣyasi

Verse 37

yathaidhāṁsi samiddho'gniḥ
bhasmasātkurute'rjuna
jñānāgniḥ sarvakarmāṇi
bhasmasātkurute tathā

Note: It is recommended to chant the third quarter as jñāgnis-sarva-karmāṇi

Verse 38

na hi jñānena sadṛśam
pavitramiha vidyate
tatsvayaṁ yogasaṁsiddhaḥ
kālenātmani vindati

Verse 39

śraddhāvāl̐labhate jñānaṃ
tatparaḥ saṁyatendriyaḥ
jñānaṁ labdhvā parāṁ śāntim
acireṇādhigacchati

Note: The fourth quarter has to chanted as acireṇādhigacchati.

Verse 40

ajñaścāśraddadhānaśca
saṁśayātmā vinaśyati
nāyaṁ loko'sti na paraḥ
na sukhaṁ saṁśayātmanaḥ

Verse 41

yogasannyastakarmāṇam
jñānasañchinnasaṁśayam
ātmavantaṁ na karmāṇi
nibadhnanti dhanañjaya

Verse 42

tasmādajñānasambhūtam
hṛtsthaṁ jñānāsinātmanaḥ
chittvainaṁ saṁśayaṁ yogam
ātiṣṭhottiṣṭha bhārata

Conclusion

om tat sat - iti
śrīmadbhagavadgītāsu upaniṣatsu
brahmavidyāyāṁ yogaśāstre
śrīkṛṣṇārjunasaṁvāde
jñānakarmasannyāsayogo nāma
caturtho'dhyāyaḥ