Chapter 4
Ending Action In Knowledge

Lyrics :
English
English Sanskrit

Verse 11

ye yathā māṁ prapadyante
tāṁstathaiva bhajāmyaham
mama vartmānuvartante
manuṣyāḥ pārtha sarvaśaḥ

Verse 12

kāṅkṣantaḥ karmaṇāṁ siddhim
yajanta iha devatāḥ
kṣipraṁ hi mānuṣe loke
siddhirbhavati karmajā

Verse 13

cāturvarṇyaṁ mayā sṛṣṭam
guṇakarmavibhāgaśaḥ
tasya kartāramapi mām
viddhyakartāramavyayam

Verse 14

na māṁ karmāṇi limpanti
na me karmaphale spṛhā
iti māṁ yo'bhijānāti
karmabhirna sa badhyate

Verse 15

evaṁ jñātvā kṛtaṁ karma
pūrvairapi mumukṣubhiḥ
kuru karmaiva tasmāttvam
pūrvaiḥ pūrvataraṁ kṛtam

Note: It is recommended to chant without splitting and pausing after pūrvaiḥ in the fourth quarter of this verse.

Verse 16

kiṁ karma kimakarmeti
kavayo'pyatra mohitāḥ
tatte karma pravakṣyāmi
yajjñātvā mokṣyase'śubhāt

Verse 17

karmaṇo hyapi boddhavyam
boddhavyaṁ ca vikarmaṇaḥ
akarmaṇaśca boddhavyam
gahanā karmaṇo gatiḥ

Verse 18

karmaṇyakarma yaḥ paśyet
akarmaṇi ca karma yaḥ
sa buddhimānmanuṣyeṣu
sa yuktaḥ kṛtsnakarmakṛt

Verse 19

yasya sarve samārambhāḥ
kāmasaṅkalpavarjitāḥ
jñānāgnidagdhakarmāṇam
tamāhuḥ paṇḍitaṁ budhāḥ

Verse 20

tyaktvā karmaphalāsaṅgam
nityatṛpto nirāśrayaḥ
karmaṇyabhipravṛtto'pi
naiva kiñcitkaroti saḥ