Chapter 8
The Imperishable Brahman

Lyrics :
English
English Sanskrit

Introduction

om śrīparamātmane namaḥ
atha aṣṭamo'dhyāyaḥ
akṣarabrahmayogaḥ

Note: It is recommended to include the salutation and the chapter name, when an individual chapter is being chanted.

Verse 1

arjuna uvāca
kiṁ tadbrahma kimadhyātmam
kiṁ karma puruṣottama
adhibhūtaṁ ca kiṁ proktam
adhidaivaṁ kimucyate

Verse 2

adhiyajñaḥ kathaṁ ko'tra
dehe'sminmadhusūdana
prayāṇakāle ca katham
jñeyo'si niyatātmabhiḥ

Verse 3

śrībhagavānuvāca
akṣaraṁ brahma paramam
svabhāvo'dhyātmamucyate
bhūtabhāvodbhavakaraḥ
visargaḥ karmasaṁjñitaḥ

Verse 4

adhibhūtaṁ kṣaro bhāvaḥ
puruṣaścādhidaivatam
adhiyajño'hamevātra
dehe dehabhṛtāṁ vara

Verse 5

antakāle ca māmeva
smaranmuktvā kalevaram
yaḥ prayāti sa madbhāvam
yāti nāstyatra saṁśayaḥ

Verse 6

yaṁ yaṁ vāpi smaranbhāvam
tyajatyante kalevaram
taṁ tamevaiti kaunteya
sadā tadbhāvabhāvitaḥ

Verse 7

tasmātsarveṣu kāleṣu
māmanusmara yudhya ca
mayyarpitamanobuddhiḥ
māmevaiṣyasyasaṁśayam

Verse 8

abhyāsayogayuktena
cetasā nānyagāminā
paramaṁ puruṣaṁ divyam
yāti pārthānucintayan

Verse 9

kaviṁ purāṇamanuśāsitāram
aṇoraṇīyāṁsamanusmaredyaḥ
sarvasya dhātāramacintyarūpam
ādityavarṇaṁ tamasaḥ parastāt

Verse 10

prayāṇakāle manasācalena
bhaktyā yukto yogabalena caiva
bhruvormadhye prāṇamāveśya samyak
sa taṁ paraṁ puruṣamupaiti divyam