Chapter 8
The Imperishable Brahman

Lyrics :
English
English Sanskrit

Verse 21

avyakto'kṣara ityuktaḥ
tamāhuḥ paramāṁ gatim
yaṁ prāpya na nivartante
taddhāma paramaṁ mama

Verse 22

puruṣaḥ sa paraḥ pārtha
bhaktyā labhyastvananyayā
yasyāntaḥsthāni bhūtāni
yena sarvamidaṁ tatam

Verse 23

yatra kāle tvanāvṛttim
āvṛttiṁ caiva yoginaḥ
prayātā yānti taṁ kālam
vakṣyāmi bharatarṣabha

Verse 24

agnirjyotirahaḥ śuklaḥ
ṣaṇmāsā uttarāyaṇam
tatra prayātā gacchanti
brahma brahmavido janāḥ

Verse 25

dhūmo rātristathā kṛṣṇaḥ
ṣaṇmāsā dakṣiṇāyanam
tatra cāndramasaṁ jyotiḥ
yogī prāpya nivartate

Verse 26

śuklakṛṣṇe gatī hyete
jagataḥ śāśvate mate
ekayā yātyanāvṛttim
anyayāvartate punaḥ

Verse 27

naite sṛtī pārtha jānan
yogī muhyati kaścana
tasmātsarveṣu kāleṣu
yogayukto bhavārjuna

Verse 28

vedeṣu yajñeṣu tapaḥsu caiva
dāneṣu yatpuṇyaphalaṁ pradiṣṭam
atyeti tatsarvamidaṁ viditvā
yogī paraṁ sthānamupaiti cādyam

Conclusion

om tat sat - iti
śrīmadbhagavadgītāsu upaniṣatsu
brahmavidyāyāṁ yogaśāstre
śrīkṛṣṇārjunasaṁvāde
akṣarabrahmayogo nāma
aṣṭamo'dhyāyaḥ