Chapter 18
Liberation through renunciation

Lyrics :
English
English Sanskrit

Introduction

om śrīparamātmane namaḥ
atha aṣṭādaśo'dhyāyaḥ
mokṣa-sannyāsa-yogaḥ

Verse 1

arjuna uvāca
sannyāsasya mahābāho
tattvamicchāmi veditum
tyāgasya ca hṛṣīkeśa
pṛthakkeśiniṣūdana

Verse 2

śrī bhagavānuvāca
kāmyānāṁ karmaṇāṁ nyāsam
sannyāsaṁ kavayo viduḥ
sarvakarmaphalatyāgam
prāhustyāgaṁ vicakṣaṇāḥ

Verse 3

tyājyaṁ doṣavadityeke
karma prāhurmanīṣiṇaḥ
yajñadānatapaḥkarma
na tyājyamiti cāpare

Verse 4

niścayaṁ śṛṇu me tatra
tyāge bharatasattama
tyāgo hi puruṣavyāghra
trividhaḥ saṁprakīrtitaḥ

Verse 5

yajñadānatapaḥkarma
na tyājyaṁ kāryameva tat
yajño dānaṁ tapaścaiva
pāvanāni manīṣiṇām

Verse 6

etānyapi tu karmāṇi
saṅgaṁ tyaktvā phalāni ca
kartavyānīti me pārtha
niścitaṁ matamuttamam

Verse 7

niyatasya tu sannyāsaḥ
karmaṇo nopapadyate
mohāttasya parityāgaḥ
tāmasaḥ parikīrtitaḥ

Verse 8

duḥkhamityeva yatkarma
kāyakleśabhayāttyajet
sa kṛtvā rājasaṁ tyāgam
naiva tyāgaphalaṁ labhet

Verse 9

kāryamityeva yatkarma
niyataṁ kriyate'rjuna
saṅgaṁ tyaktvā phalaṁ caiva
sa tyāgaḥ sāttviko mataḥ

Verse 10

na dveṣṭyakuśalaṁ karma
kuśale nānuṣajjate
tyāgī sattvasamāviṣṭaḥ
medhāvī chinnasaṁśayaḥ