Chapter 18
Liberation through renunciation

Lyrics :
English
English Sanskrit

Verse 41

brāhmaṇakṣatriyaviśām
śūdrāṇāṁ ca parantapa
karmāṇi pravibhaktāni
svabhāvaprabhavairguṇaiḥ

Verse 42

śamo damastapaḥ śaucam
kṣāntirārjavameva ca
jñānaṁ vijñānamāstikyam
brahmakarma svabhāvajam

Verse 43

śauryaṁ tejo dhṛtirdākṣyam
yuddhe cāpyapalāyanam
dānamīśvarabhāvaśca
kṣātraṁ karma svabhāvajam

Verse 44

kṛṣigaurakṣyavāṇijyam
vaiśyakarma svabhāvajam
paricaryātmakaṁ karma
śūdrasyāpi svabhāvajam

Verse 45

sve sve karmaṇyabhirataḥ
saṁsiddhiṁ labhate naraḥ
svakarmanirataḥ siddhim
yathā vindati tacchṛṇu

Verse 46

yataḥ pravṛttirbhūtānām
yena sarvamidaṁ tatam
svakarmaṇā tamabhyarcya
siddhiṁ vindati mānavaḥ

Verse 47

śreyānsvadharmo viguṇaḥ
paradharmātsvanuṣṭhitāt
svabhāvaniyataṁ karma
kurvannāpnoti kilbiṣam

Verse 48

sahajaṁ karma kaunteya
sadoṣamapi na tyajet
sarvārambhā hi doṣeṇa
dhūmenāgnirivāvṛtāḥ

Verse 49

asaktabuddhiḥ sarvatra
jitātmā vigataspṛhaḥ
naiṣkarmyasiddhiṁ paramām
sannyāsenādhigacchati

Verse 50

siddhiṁ prāpto yathā brahma
tathāpnoti nibodha me
samāsenaiva kaunteya
niṣṭhā jñānasya yā parā