Chapter 18
Liberation through renunciation

Lyrics :
English
English Sanskrit

Verse 21

pṛthaktvena tu yajjñānam
nānābhāvān pṛthagvidhān
vetti sarveṣu bhūteṣu
tajjñānaṁ viddhi rājasam

Verse 22

yattu kṛtsnavadekasmin
kārye saktamahaitukam
atattvārthavadalpaṁ ca
tattāmasamudāhṛtam

Verse 23

niyataṁ saṅgarahitam
arāgadveṣataḥkṛtam
aphalaprepsunā karma
yattatsāttvikamucyate

Verse 24

yattu kāmepsunā karma
sāhaṅkāreṇa vā punaḥ
kriyate bahulāyāsam
tadrājasamudāhṛtam

Verse 25

anubandhaṁ kṣayaṁ hiṁsām
anapekṣya ca pauruṣam
mohādārabhyate karma
yattattāmasamucyate

Verse 26

muktasaṅgo'nahaṁvādī
dhṛtyutsāhasamanvitaḥ
siddhyasiddhyornirvikāraḥ
kartā sāttvika ucyate

Verse 27

rāgī karmaphalaprepsuḥ
lubdho hiṁsātmako'śuciḥ
harṣaśokānvitaḥ kartā
rājasaḥ parikīrtitaḥ

Verse 28

ayuktaḥ prākṛtaḥ stabdhaḥ
śaṭho naiṣkṛtiko'lasaḥ
viṣādī dīrghasūtrī ca
kartā tāmasa ucyate

Verse 29

buddherbhedaṁ dhṛteścaiva
guṇatastrividhaṁ śṛṇu
procyamānamaśeṣeṇa
pṛthaktvena dhanañjaya

Verse 30

pravṛttiṁ ca nivṛttiṁ ca
kāryākārye bhayābhaye
bandhaṁ mokṣaṁ ca yā vetti
buddhiḥ sā pārtha sāttvikī