Chapter 2
Yoga of Knowledge

Lyrics :
English
English Sanskrit

Verse 31

svadharmamapi cāvekṣya
na vikampitumarhasi
dharmyāddhi yuddhācchreyo'nyat
kṣatriyasya na vidyate

Verse 32

yadṛcchayā copapannam
svargadvāramapāvṛtam
sukhinaḥ kṣatriyāḥ pārtha
labhante yuddhamīdṛśam

Verse 33

atha cettvamimaṁ dharmyam
saṅgrāmaṁ na kariṣyasi
tataḥ svadharmaṁ kīrtiṁ ca
hitvā pāpamavāpsyasi

Verse 34

akīrtiṁ cāpi bhūtāni
kathayiṣyanti te'vyayām
sambhāvitasya cākīrtiḥ
maraṇādatiricyate

Verse 35

bhayādraṇāduparatam
maṁsyante tvāṁ mahārathāḥ
yeṣāṁ ca tvaṁ bahumataḥ
bhūtvā yāsyasi lāghavam

Verse 36

avācyavādāṁśca bahūn
vadiṣyanti tavāhitāḥ
nindantastava sāmarthyam
tato duḥkhataraṁ nu kim

Verse 37

hato vā prāpsyasi svargam
jitvā vā bhokṣyase mahīm
tasmāduttiṣṭha kaunteya
yuddhāya kṛtaniścayaḥ

Verse 38

sukhaduḥkhe same kṛtvā
lābhālābhau jayājayau
tato yuddhāya yujyasva
naivaṁ pāpamavāpsyasi

Verse 39

eṣā te'bhihitā sāṅkhye
buddhiryoge tvimāṁ śṛṇu
buddhyā yukto yayā pārtha
karmabandhaṁ prahāsyasi

Verse 40

nehābhikramanāśo'sti
pratyavāyo na vidyate
svalpamapyasya dharmasya
trāyate mahato bhayāt