Chapter 2
Yoga of Knowledge

Lyrics :
English
English Sanskrit

Verse 51

karmajaṁ buddhiyuktā hi
phalaṁ tyaktvā manīṣiṇaḥ
janmabandhavinirmuktāḥ
padaṁ gacchantyanāmayam

Verse 52

yadā te mohakalilam
buddhirvyatitariṣyati
tadā gantāsi nirvedam
śrotavyasya śrutasya ca

Verse 53

śrutivipratipannā te
yadā sthāsyati niścalā
samādhāvacalā buddhiḥ
tadā yogamavāpsyasi

Verse 54

arjuna uvāca
sthitaprajñasya kā bhāṣā
samādhisthasya keśava
sthitadhīḥ kiṁ prabhāṣeta
kimāsīta vrajeta kim

Verse 55

śrībhagavānuvāca
prajahāti yadā kāmān
sarvān pārtha manogatān
ātmanyevātmanā tuṣṭaḥ
sthitaprajñastadocyate

Verse 56

duḥkheṣvanudvignamanāḥ
sukheṣu vigataspṛhaḥ
vītarāgabhayakrodhaḥ
sthitadhīrmunirucyate

Verse 57

yaḥ sarvatrānabhisnehaḥ
tattatprāpya śubhāśubham
nābhinandati na dveṣṭi
tasya prajñā pratiṣṭhitā

Verse 58

yadā saṁharate cāyam
kūrmo'ṅgānīva sarvaśaḥ
indriyāṇīndriyārthebhyaḥ
tasya prajñā pratiṣṭhitā

Verse 59

viṣayā vinivartante
nirāhārasya dehinaḥ
rasavarjaṁ raso'pyasya
paraṁ dṛṣṭvā nivartate

Verse 60

yatato hyapi kaunteya
puruṣasya vipaścitaḥ
indriyāṇi pramāthīni
haranti prasabhaṁ manaḥ