Chapter 2
Yoga of Knowledge

Lyrics :
English
English Sanskrit

Verse 61

tāni sarvāṇi saṁyamya
yukta āsīta matparaḥ
vaśe hi yasyendriyāṇi
tasya prajñā pratiṣṭhitā

Verse 62

dhyāyato viṣayānpuṁsaḥ
saṅgasteṣūpajāyate
saṅgātsañjāyate kāmaḥ
kāmātkrodho'bhijāyate

Verse 63

krodhādbhavati sammohaḥ
sammohātsmṛtivibhramaḥ
smṛtibhraṁśādbuddhināśaḥ
buddhināśātpraṇaśyati

Verse 64

rāgadveṣaviyuktaistu
viṣayānindriyaiścaran
ātmavaśyairvidheyātmā
prasādamadhigacchati

Verse 65

prasāde sarvaduḥkhānām
hānirasyopajāyate
prasannacetaso hyāśu
buddhiḥ paryavatiṣṭhate

Verse 66

nāsti buddhirayuktasya
na cāyuktasya bhāvanā
na cābhāvayataḥ śāntiḥ
aśāntasya kutaḥ sukham

Verse 67

indriyāṇāṁ hi caratām
yanmano'nuvidhīyate
tadasya harati prajñām
vāyurnāvamivāmbhasi

Verse 68

tasmādyasya mahābāho
nigṛhītāni sarvaśaḥ
indriyāṇīndriyārthebhyaḥ
tasya prajñā pratiṣṭhitā

Verse 69

yā niśā sarvabhūtānām
tasyāṁ jāgarti saṁyamī
yasyāṁ jāgrati bhūtāni
sā niśā paśyato muneḥ

Verse 70

āpūryamāṇamacalapratiṣṭham
samudramāpaḥ praviśanti yadvat
tadvatkāmā yaṁ praviśanti sarve
sa śāntimāpnoti na kāmakāmī

Verse 71

vihāya kāmānyaḥ sarvān
pumāṁścarati niḥspṛhaḥ
nirmamo nirahaṅkāraḥ
sa śāntimadhigacchati

Verse 72

eṣā brāhmī sthitiḥ pārtha
naināṁ prāpya vimuhyati
sthitvāsyāmantakāle'pi
brahmanirvāṇamṛcchati

Conclusion

om tat sat - iti
śrīmadbhagavadgītāsu upaniṣatsu
brahmavidyāyāṁ yogaśāstre
śrīkṛṣṇārjunasaṁvāde
sāṅkhyayogo nāma
dvitīyo'dhyāyaḥ