Chapter 3
Unfoldment through Action

Lyrics :
Sanskrit
Sanskrit English

Verse 11

देवान्भावयतानेन
ते देवा भावयन्तु वः।
परस्परं भावयन्तः
श्रेयः परमवाप्स्यथ॥

Verse 12

इष्टान्भोगान्हि वो देवाः
दास्यन्ते यज्ञभाविताः।
तैर्दत्तानप्रदायैभ्यः
यो भुङ्‌क्ते स्तेन एव सः॥

Verse 13

यज्ञशिष्टाशिनः सन्तः
मुच्यन्ते सर्वकिल्बिषैः।
भुञ्जते ते त्वघं पापाः
ये पचन्त्यात्मकारणात्॥

Verse 14

अन्नाद्भवन्ति भूतानि
पर्जन्यादन्नसम्भवः।
यज्ञाद्भवति पर्जन्यः
यज्ञः कर्मसमुद्भवः॥

Verse 15

कर्म ब्रह्मोद्भवं विद्धि
ब्रह्माक्षरसमुद्भवम्।
तस्मात्सर्वगतं ब्रह्म
नित्यं यज्ञे प्रतिष्ठितम्॥

Verse 16

एवं प्रवर्तितं चक्रम्
नानुवर्तयतीह यः।
अघायुरिन्द्रियारामः
मोघं पार्थ स जीवति॥

Verse 17

यस्त्वात्मरतिरेव स्यात्
आत्मतृप्तश्च मानवः।
आत्मन्येव च सन्तुष्टः
तस्य कार्यं न विद्यते॥

Verse 18

नैव तस्य कृतेनार्थः
नाकृतेनेह कश्चन।
न चास्य सर्वभूतेषु
कश्चिदर्थव्यपाश्रयः॥

Verse 19

तस्मादसक्तः सततम्
कार्यं कर्म समाचर।
असक्तो ह्याचरन्कर्म
परमाप्नोति पूरुषः॥

Verse 20

कर्मणैव हि संसिद्धिम्
आस्थिता जनकादयः।
लोकसङ्ग्रहमेवापि
सम्पश्यन्कर्तुमर्हसि॥