Chapter 1
Arjuna’s Grief

Lyrics :
English
English Sanskrit

Introduction

om śrīparamātmane namaḥ
atha prathamo'dhyāyaḥ
arjunaviṣādayogaḥ

Note: It is recommended to include the salutation and the chapter name, when an individual chapter is being chanted.

Verse 1

dhṛtarāṣṭra uvāca
dharmakṣetre kurukṣetre
samavetā yuyutsavaḥ
māmakāḥ pāṇḍavāścaiva
kimakurvata sañjaya

Verse 2

sañjaya uvāca
dṛṣṭvā tu pāṇḍavānīkam
vyūḍhaṁ duryodhanastadā
ācāryamupasaṅgamya
rājā vacanamabravīt

Verse 3

paśyaitāṁ pāṇḍuputrāṇām
ācārya mahatīṁ camūm
vyūḍhāṁ drupadaputreṇa
tava śiṣyeṇa dhīmatā

Verse 4

atra śūrā maheṣvāsāḥ
bhīmārjunasamā yudhi
yuyudhāno virāṭaśca
drupadaśca mahārathaḥ

Verse 5

dhṛṣṭaketuścekitānaḥ
kāśirājaśca vīryavān
purujitkuntibhojaśca
śaibyaśca narapuṅgavaḥ

Verse 6

yudhāmanyuśca vikrāntaḥ
uttamaujāśca vīryavān
saubhadro draupadeyāśca
sarva eva mahārathāḥ

Verse 7

asmākaṁ tu viśiṣṭā ye
tānnibodha dvijottama
nāyakā mama sainyasya
sañjñārthaṁ tānbravīmi te

Verse 8

bhavānbhīṣmaśca karṇaśca
kṛpaśca samitiñjayaḥ
aśvatthāmā vikarṇaśca
saumadattistathaiva ca

Verse 9

anye ca bahavaḥ śūrāḥ
madarthe tyaktajīvitāḥ
nānāśastrapraharaṇāḥ
sarve yuddhaviśāradāḥ

Verse 10

aparyāptaṁ tadasmākam
balaṁ bhīṣmābhirakṣitam
paryāptaṁ tvidameteṣām
balaṁ bhīmābhirakṣitam