Chapter 1
Arjuna’s Grief

Lyrics :
English
English Sanskrit

Verse 21

hṛṣīkeśaṁ tadā vākyam
idamāha mahīpate
arjuna uvāca
senayorubhayormadhye
rathaṁ sthāpaya me'cyuta

Verse 22

yāvadetānnirīkṣe'ham
yoddhukāmānavasthitān
kairmayā saha yoddhavyam
asmin raṇasamudyame

Verse 23

yotsyamānānavekṣe'haṁ
ya ete'tra samāgatāḥ
dhārtarāṣṭrasya durbuddheḥ
yuddhe priyacikīrṣavaḥ

Verse 24

sañjaya uvāca
evamukto hṛṣīkeśaḥ
guḍākeśena bhārata
senayorubhayormadhye
sthāpayitvā rathottamam

Verse 25

bhīṣmadroṇapramukhataḥ
sarveṣāṁ ca mahīkṣitām
uvāca pārtha paśyaitān
samavetānkurūniti

Verse 26

tatrāpaśyatsthitānpārthaḥ
pitṝnatha pitāmahān
ācāryānmātulānbhrātṝn
putrānpautrānsakhīṁstathā

Verse 27

śvaśurānsuhṛdaścaiva
senayorubhayorapi
tānsamīkṣya sa kaunteyaḥ
sarvānbandhūnavasthitān

Verse 28

kṛpayā parayāviṣṭaḥ
viṣīdannidamabravīt
arjuna uvāca
dṛṣṭvemaṁ svajanaṁ kṛṣṇa
yuyutsuṁ samupasthitam

Verse 29

sīdanti mama gātrāṇi
mukhaṁ ca pariśuṣyati
vepathuśca śarīre me
romaharṣaśca jāyate

Verse 30

gāṇḍīvaṁ sraṁsate hastāt
tvakcaiva paridahyate
na ca śaknomyavasthātum
bhramatīva ca me manaḥ