Chapter 1
Arjuna’s Grief

Lyrics :
English
English Sanskrit

Verse 41

adharmābhibhavātkṛṣṇa
praduṣyanti kulastriyaḥ
strīṣu duṣṭāsu vārṣṇeya
jāyate varṇasaṅkaraḥ

Verse 42

saṅkaro narakāyaiva
kulaghnānāṁ kulasya ca
patanti pitaro hyeṣām
luptapiṇḍodakakriyāḥ

Verse 43

doṣairetaiḥ kulaghnānām
varṇasaṅkarakārakaiḥ
utsādyante jātidharmāḥ
kuladharmāśca śāśvatāḥ

Verse 44

utsannakuladharmāṇām
manuṣyāṇāṁ janārdana
narake'niyataṁ vāsaḥ
bhavatītyanuśuśruma

Verse 45

aho bata mahatpāpam
kartuṁ vyavasitā vayam
yadrājyasukhalobhena
hantuṁ svajanamudyatāḥ

Verse 46

yadi māmapratīkāram
aśastraṁ śastrapāṇayaḥ
dhārtarāṣṭrā raṇe hanyuḥ
tanme kṣemataraṁ bhavet

Verse 47

sañjaya uvāca
evamuktvārjunaḥ saṅkhye
rathopastha upāviśat
visṛjya saśaraṁ cāpam
śokasaṁvignamānasaḥ

Conclusion

om tat sat - iti
śrīmadbhagavadgītāsu upaniṣatsu
brahmavidyāyāṁ yogaśāstre
śrīkṛṣṇārjunasaṁvāde
arjunaviṣādayogo nāma
prathamo'dhyāyaḥ