Chapter 13
The Field and its knower

Lyrics :
Sanskrit
Sanskrit English

Verse 21

कार्यकरणकर्तृत्वे
हेतुः प्रकृतिरुच्यते।
पुरुषः सुखदुःखानाम्
भोक्तृत्वे हेतुरुच्यते॥

Verse 22

पुरुषः प्रकृतिस्थो हि
भुङ्क्ते प्रकृतिजान्गुणान्।
कारणं गुणासङ्गोऽस्य
सदसद्योनिजन्मसु॥

Verse 23

उपद्रष्टानुमन्ता च
भर्ता भोक्ता महेश्वरः।
परमात्मेति चाप्युक्तः
देहेऽस्मिन्पुरुषः परः॥

Verse 24

य एवं वेत्ति पुरुषम्
प्रकृतिं च गुणैः सह।
सर्वथा वर्तमानोऽपि
न स भूयोऽभिजायते॥

Verse 25

ध्यानेनात्मनि पश्यन्ति
केचिदात्मानमात्मना।
अन्ये साङ्‌ख्येनयोगेन
कर्मयोगेन चापरे॥

Verse 26

अन्ये त्वेवमजानन्तः
श्रुत्वान्येभ्य उपासते।
तेऽपि चातितरन्त्येव
मृत्युं श्रुतिपरायणाः॥

Verse 27

यावत्सञ्जायते किञ्चित्
सत्त्वं स्थावरजङ्गमम्।
क्षेत्रक्षेत्रज्ञसंयोगात्
तद्विद्धि भरतर्षभ॥

Verse 28

समं सर्वेषु भूतेषु
तिष्ठन्तं परमेश्वरम्।
विनश्यत्स्वविनश्यन्तम्
यः पश्यति स पश्यति॥

Verse 29

समं पश्यन्हि सर्वत्र
समवस्थितमीश्वरम्।
न हिनस्त्यात्मनात्मानम्
ततो याति परां गतिम्॥

Verse 30

प्रकृत्यैव च कर्माणि
क्रियमाणानि सर्वशः।
यः पश्यति तथात्मानम्
अकर्तारं स पश्यति॥