Chapter 18
Liberation through renunciation

Lyrics :
Sanskrit
Sanskrit English

Verse 11

न हि देहभृता शक्यम्
त्यक्‍तुं कर्माण्यशेषतः।
यस्तु कर्मफलत्यागी
स त्यागीत्यभिधीयते॥

Verse 12

अनिष्टमिष्टं मिश्रं च
त्रिविधं कर्मणः फलम्।
भवत्यत्यागिनां प्रेत्य
न तु सन्न्यासिनां क्‍वचित्॥

Verse 13

पञ्चैतानि महाबाहो
कारणानि निबोध मे।
साङ्‌ख्ये कृतान्ते प्रोक्तानि
सिद्धये सर्वकर्मणाम्॥

Verse 14

अधिष्ठानं तथा कर्ता
करणं च पृथग्विधम्।
विविधाश्च पृथक्‍चेष्टाः
दैवं चैवात्र पञ्चमम्॥

Verse 15

शरीरवाङ्‍मनोभिर्यत्
कर्म प्रारभते नरः।
न्याय्यं वा विपरीतं वा
पञ्चैते तस्य हेतवः॥

Verse 16

तत्रैवं सति कर्तारम्
आत्मानं केवलं तु यः।
पश्यत्यकृतबुद्धित्वात्
न स पश्यति दुर्मतिः॥

Verse 17

यस्य नाहङ्‌कृतो भावः
बुद्धिर्यस्य न लिप्यते।
हत्वाऽपि स इमाल्ँलोकान्
न हन्ति न निबध्यते॥

Verse 18

ज्ञानं ज्ञेयं परिज्ञाता
त्रिविधा कर्मचोदना।
करणं कर्म कर्तेति
त्रिविधःकर्मसंग्रहः॥

Verse 19

ज्ञानं कर्म च कर्ता च
त्रिधैव गुणभेदतः।
प्रोच्यते गुणसङ्‌ख्याने
यथावच्छृणु तान्यपि॥

Verse 20

सर्वभूतेषु येनैकम्
भावमव्ययमीक्षते।
अविभक्‍तं विभक्‍तेषु
तज्ज्ञानं विद्धि सात्त्विकम्॥